Kuboshwe iphoyisa eladubula labulala ingoduso.

Uzochitha isonto lonke ejele usayitsheni wamaphoyisa KwaZulu-Natal, osolwa ngokubulala ingoduso yakhe.
USergeant Ntombi Mbanjwa wadutshulwa emzini wezithandani eMzimkhulu ogwini oluseningizimu ngo-Ephreli nonyaka.

Uzakwabo, uSergeant Ntokozo Mngqithi, uthi uthole isidumbu sakhe ngesikhathi ebuyela ekhaya kusihlwa.

Okhulumela oKlebe, uSimphiwe Mhlongo, uthi uphenyo luholele ekuboshweni kukaMngqithi ngoMsombuluko.

Uthi lezi zithandani bezisebenzela esiteshini samaphoyisa eMzimkhulu kwaZulu Natal.

“NgoMsombuluko, zingama-25 kuNovemba 2024, amalungu oKlebe ePort Shepstone Serious Organised Crime Investigation abophe uSergeant Ntokozo Mngqithi, 34, ngokubulala ingoduso yakhe.“Uvele kafushane eNkantolo yeMantshi yaseMzimkhulu wagcinwa esitokisini, icala lahlehliselwa umhla zi-3 kuZibandlela wezi-2024 ukuze afake isicelo sebheyili.”